තඹුත්තේගම රාජාංගනය මාර්ගයේ සිදුවූ රිය කැබ් රථ අනතුරකින් බරපතළ තුවාල ලැබූ පුද්ගලයකු ජීවිතක්ෂයට පත්ව ඇති බව රාජාංගනය පොලිසිය පවසයි.
මෙලෙස අවාසනාවන්ත ලෙස ජීවිතක්ෂයට පත්ව ඇත්තේ යාය 14, කලාවැව, රාජාංගනය ලිපිනයේ පදිංචිව සිටි විජේසිංහ ආරච්චිලාගේ සුමිත් ප්‍රියංකර ජයවීර නැමැත්තෙකි.
පසුගිය 2 දා රාත්‍රී 8.35 ට පමණ තඹුත්තේගම සිට රාජාංගනයේ පුත්තලම් හංදිය දෙසට ගමන් කළ බොලරෝ වර්ගයේ කැබ් රථයක් යාය 8, පොම්පාගාරය අසල දී මාර්ගයෙන් ඉවතට පැන පෙරළී ගොස් මෙම අනතුර සිදුව ඇතැයි පොලිසිය කියයි.
අනතුර සිදුවන අවස්ථාවේදී මරණකරු පමණක් රථයේ ගමන් කර ඇති අතර අනතුර සිදු වූ අවස්ථාවේදී ඔහු ගේ හිස අසල තිබූ දොඩම් ගසක වැදී බරපතළ තුවාල ලබා නොච්චියාගම රෝහලට ඇතුලත් කරන අවස්ථාවේදී ජීවිතක්ෂයට පත්ව ඇතැයි පොලිසිය සදහන් කලේය.
අනතුර සම්බන්ධයෙන් රාජාංගනය පොලිසිය පොලිසිය වැඩිදුර විමර්ශන සිදු කරනු ලබයි.
අනුරාධපුර - බී.ජී. චතුරංග